БИШКЕК, 19-апр. — Sputnik. Кыргызстандагы 20 бала бакчанын тарбиячылар наристелердин укугу боюнча окуудан өтүштү. Бул тууралу Билим берүү жана илим министрлигинин маалымат кызматы билдирди.
Семинар Билим берүү министрлиги менен эл аралык Save the Children уюмунун ортосундагы келишимдин алкагында өткөрүлгөн.
Иш-чаранын негизги максаты тарбиячыларды балдардын укуктары менен тааныштыруу болуп эсептелет.
Маалыматка ылайык, семинарлар Чүй облусуна караштуу Кемин, Чүй жана Сокулук, Оштогу Араван менен Кара-Суу райондорунун бала бакча тарбиячыларына өткөрүлгөн.
Тренингге катышкан 25 тарбиячы бала бакчалардагы көйгөйлөрдү жоюу боюнча долбоордук сунуштарды жазууну үйрөнүштү.
