БИШКЕК, 18-апр. — Sputnik. Президент Алмазбек Атамбаев Түркиянын Соода биржа жана палаталар бирикмесинин төрагасы Мустафа Рифат Хисаржыклыоглуну кабыл алып, Кыргызстандагы түрк компаниялары тууралуу сүйлөштү. Бул тууралуу өлкө башчынын маалымат кызматы билдирди.
Жолугушуу маалында эки өлкөнүн ишкерлеринин ортосундагы кызматташуу жана мындан аркы иштешүү маселелери талкууланды.
Мындан тышкары, Кыргызстандагы түрк компанияларынын ишмердүүлүгү тууралуу сөз жүрүп, мамлекеттик органдар тарабынан инвестиция үчүн шарттарды жакшыртуу жаатында көрүлүп жаткан аракеттер ортого салынды.
Муну менен бирге Атамбаев менен Хисаржыклыоглу Кыргызстандын ЕАЭБге кирүү шартында эки өлкөнүн бизнес-чөйрөсүнүн карым-катнашын жигердештирүүгө басым жасашты.
