Жолугушуу учурунда кооптуу бактарды кыюу маселеси козголду. Ибраимовдун айтымында, алардын жарымынан көбүн кыйып, сатуу керек да, ал акчага жаш көчөт сатып алып, отургузуу зарыл. Мэрдин маалыматы боюнча жыгачтын бир куб метри 8 миң сом турат.
"Бишкекжарык" ишканасынын башчысы Азамат Кожомкулов быйылкы жылга бюджеттин аткарылышы тууралуу маалымат берди. Сметага ылайык, быйыл ишканага 97 миллион сом бөлүнүп, анын 55 миллиону — электр энергиясына, 9 миллиону — электр шаймандарына, 10 миллиону — айлык акыга каралган.
Муниципалдык ишканалардын жетекчилерине мэр демилгелерди көтөрүп, шаарды көрктөндүрүү боюнча долбоорлорду иштеп чыгууну сунуштады. Башка ишканаларга рейддер 14-15-апрелге белгиленген.
