БИШКЕК, 8-апр. — Sputnik. Акыркы эки күн чинде Кайгуул милициясы 137 айдоочуга айып пул салганын аталган башкармалык билдирди.
Маалыматка ылайык, 4-6-апрель күндөрү Кайгуул кызматына 200 чакыруу түшкөн. Мында бейбаштык кылган 9 киши кармалып, мындан тышкары, коомдук жайларда ичкилик ичкен 62 адам колго түштү. Алардын баары милиция бөлүмдөрүнө жеткирилди.
Жол кыймылына көзөмөл кылуудан тышкары Кайгуул милициясы мас айдоочуга карата бир протокол түзүп, 13 унааны айып короого киргизген.
