БИШКЕК, 6-апр. — Sputnik. Кыргызстанда акыркы беш жылда кылмыштуулуктун деңгээли төмөндөгөнүн Улуттук статистика комитети билдирди.
2010-2014-жылдар аралыгында кылмыштуулук 25 пайызга азайган.
Кылмыштуулук 2010-жылы күч алган. Статком бул жылы 7425 оор жана өзгөчө кылмыштар жасалганын маалымдады.
"Анын себеби өлкөдөгү коомдук-саясий абалга байланыштуу болгон", — деп айтылат статистикалык маалыматта.
2010-2014-жылдар арасында кылмыш жасоо өрчүп кеткен, анын ичинен аялдар да көп катталып, көрсөткүч 4,5 пайыздан 7,7 пайызга чейин өскөндүгүн байкоого болот.
Ал эми жашы жете электер арасындагы көрсөткүчтөр — 2011-2013-жылдары көбөйсө, 2012-2014-жылдары азайган.
2014-жылы кесилгендердин саны 2010-жылга салыштырмалуу азайган.
