БИШКЕК, 5-апр. — Sputnik. Европа киносунун фестивалынын алкагында Бишкекте 18 тасма көрсөтүлө турганын Европа биримдигинин (ЕБ) делегациясы билдирди.
Иш-чара 20-24-апрель күндөрү "Ала-Тоо" кинотеатрында өтөт.
"Батыш кинематографисттеринин мыкты тасмаларын тартуулоо ЕБ менен Кыргызстандын ортосундагы алаканы чыңдоого багытталат", — дешти уюштуруучулар.
Фестивалда Австрия, Болгария, Улуу Британия, Венгрия, Германия, Испания, Италия, Кипр, Латвия, Нидерланддар, Польша, Португалия, Словакия, Словения, Франция, Чехия, Швеция жана Эстониядан келген 18 тасма көрсөтүлөт.
Тасмалар чет тилде орус субтитрлер менен акысыз тартууланат.
