БИШКЕК, 30-мар. — Sputnik. Европадагы коопсуздук жана кызматташуу уюмунун төрагасы — Германиянын тышкы иштер министри Франк-Вальтер 31-март күнү Кыргызстанга келе турганын ТИМ билдирди.
Маалыматка ылайык, иш сапар 1-апрелге чейин уланат. Анын алкагында министрди президент Алмазбек Атамбаев кабыл алат. Мындан тышкары, Штайнмайер Жогорку Кеңештин тармактык комитети жана тышкы иштер министри Эрлан Абдылдаев менен жолугушуу өткөрөт.
Иш-чарада эки жана көп тараптуу кызматташуу — аймактагы коопсуздукту күчөтүү, терроризмге каршы күрөшүү жана ЕККУ алкагында өз ара кызматташуу маселелери талкууланат.
Иш сапардын алкагында кыргыз өкмөтү менен ЕККУ ортосунда өз ара түшүнүшүү боюнча меморандумга кол коюлары күтүлүүдө.
