БИШКЕК, 29-мар. — Sputnik. Борбор калаадагы "Омар не Хайям" кафесин белгисиз бирөөлөр бензин чачып өрттөөгө аракет кылганын ӨКМ билдирди.
Түндө Аалы Токомбаева көчөсүндө жайгашкан кафелердин биринде өрт чыкканы тууралуу билдирүү келип түшкөн.
Кырсык болгон жерге барган өрт өчүрүүчүлөр жыгачтан курулган имараттын беш чарчы метр жери күйүп жатканын аныкташып, аны өчүрүшкөн.
ӨКМден билдиришкендей, кафени белгисиз жарандар бензин чачып өрттөөгө аракет кылышкан.
