БИШКЕК, 25-мар. — Sputnik. "Ислам мамлекетинин" террорчулары Европада жаңы терактыларды уюштурууга кам көрүүдө, аларга даярдык бир нече этап менен жүрүүдө. Бул туурасында CNN телеканалы АКШдагы булактарга таянып билдирди.
Маалымат бергендердин айтканына караганда жана акыркы айлардагы электрондук маалымат алмашуулар текшерилип, белгилүү болгондой согушкерлер Европада бир нече жерлерди мелжеген.
Америкалык террорчулукка каршы бөлүктөрдүн айтымында маалымат жетип калып, эгерде согушкерлер пландаган жардырууларын уюштура албай калса, алар кырдаалга жараша ыкчам иштей алышат.
"Алар Европа боюнча иштеп жатышат, жардыруу жасай турган жерлерди конкреттүү түрдө тактай элек болсо да, жаңыларына даярданышууда", — деп айтты журналисттерге маалымат берген булак.
Андан мурдараак 2015-жылы 13-ноябрда террористтердин өз ара сүйлөшүп алган тобу Парижге жана анын чет жакасында жайгашкан Сен-Дени аймагында бир нече жардырууларды жасаган. Үч жан кечти "Стад де Франс" стадионунда, дагы бир топ өздөрүн Париждин түндүк-чыгышында кафе, ресторанда жардыруу жасаган. Дагы үчөө "Батаклан" концерттик залында элди барымтага алып, бул трагедиядан 130 адам курман болуп, 350 жарадар болгон.
