БИШКЕК, 24-мар. — Sputnik. Ош облусунун казысы Самидин кары Атабаев Ош мамлекеттик университетинин студенттери үчүн лекция окуганын Кыргызстан мусулмандарынын дин башкармалыгы билдирди.
Маалыматка ылайык, иш-чара аталган окуу жайдын теология факультети тарабынан уюштурулган.
Анда казы "Ата-энени урматтоо, балдардын ата-энелерге болгон камкордугу жөнүндө" темасынын алкагында сөз сүйлөп, Куран жана хадистердин мисалында кеңири түшүндүрүп берди. Мындан сырткары исламда ата-эненин орду кандай каралгандыгы боюнча студенттер тарабынан суроолор берилип, кызуу талкуу жүрдү.
Муфтияттын маалыматы боюнча аталган окуу курсуна ОшМУнун бардык факультеттеринен катталган 100дөн ашык студенттер катышып, бир айга жакын убакыттан бери сабактар өтүүдө.
