БИШКЕК, 16-мар. — Sputnik. Германиянын Түркиядагы элчилиги Анкарада кайрадан теракт болушу мүмкүндүгү тууралуу эскертип жатканын Deutsche Welle басылмасы билдирди.
10-мартта Анкаранын борборунда теракт болуп, анын кесепетинен 37 киши каза болуп, 125 киши түрдүү жаракаттарды алган.
Анкарадагы немис элчилиги өз жарандарын жаңы теракт болушу мүмкүндүгүн айтып, эскертүүдө. Элчиликтин маалыматына ылайык, соода борборлорунда жардыруу болушу мүмкүндүгү тууралуу маалыматтар келип түшкөн.
Ошондой эле Түркиядагы немис мектептери менен бала бакчалары да теракт болушу мүмкүн деген коркунучтан улам эрте жабылган.
