БИШКЕК, 10-мар. — Sputnik. Кыргыз мамлекеттик медициналык академиясынын студенттери эл аралык олимпиаданы жеңип алышты. Бул тууралуу Sputnik Кыргызстан агенттигине аталган академиянын мааламыт кызматынын жетекчиси Абибилла Пазылов билдирди.
Эл аралык олимпиада клиникалык фармакология багытанда болуп, ал С.Ф.Асфендияров атындагы Казакстандын улуттук медициналык университетинде болуп өттү.
Анда Кыргызстандын атынан беш студент, эки мугалим катышты.
Олимпиада беш багытта жүрдү: команданы тааныштыруу, урааны, атайын көнүгүү, тапшырмаларды чечүү, жана капитандардын блиц-турнири.
Беттештин жүрүшүндө мед академиянын студенттери "команданы тааныштыруу" жана "мыкты эксперт" номинацияларында мыкты аталып, жалпы эсепте биринчиликти багынтты.
