Ала кийиз кыргыз элинин алмустактан бери күндөлүк турмушунда кеңири пайдаланып келген буюмдарынын катарына кирет. Бирок, замандын алмашуусу менен ала кийиз акырындык менен күнүмдүк колдонуудан чыгып, аны жасоону айылдагылар эле билбесе, бүгүнкү күнү шаардыктар үчүн бул сырдуу өнөр болуп калды.
KG Art студиясынын кол өнөрчүлөрү Гүлнара Өмүрзакова, Зейнеп Кудайбергенова жана Гүлнара Качаганова кесиптешибиз Катя Михайловага атайы биздин редакция үчүн чакан кийиз даярдап, аны жасоо ыкмаларын да айтып беришти.
