https://sputnik.kg/20250418/1093405607.html
Жаңылыктар. Чыгарылыш 11:00
Жаңылыктар. Чыгарылыш 11:00
Sputnik Кыргызстан
Россиядагы элчи Кубанычбек Бөкөнтаев Жогорку Кеңеш менен Россиянын Федералдык жыйынынын ортосундагы кызматташуу боюнча парламенттер аралык комиссиянын тең... 18.04.2025, Sputnik Кыргызстан
2025-04-18T11:00+0600
2025-04-18T11:00+0600
2025-04-18T11:10+0600
https://sputnik.kg/img/07e9/04/12/1093405475_0:3:1036:586_1920x0_80_0_0_e8e11c25c44a9c791fa1a0dc59b7bbb4.jpg
Жаңылыктар. Чыгарылыш 11:00
Sputnik Кыргызстан
Россиядагы элчи Кубанычбек Бөкөнтаев Жогорку Кеңеш менен Россиянын Федералдык жыйынынын ортосундагы кызматташуу боюнча парламенттер аралык комиссиянын тең төрагасы, Мамдума депутаты Дмитрий Кобылкин менен жолукту. Дипломатилык өкүлчүлүктүн маалыматы боюнча, элчи Москва шаарындагы "Бодрость" мончосунда болгон окуяга байланыштуу тынчсыздануусун билдирип, Россия тараптан маселени объективдүү жана акыйкат кароону суранды. Кобылкин россиялык башка депутаттар дагы мигранттарга калыс мамиле кылып, фактыны акыйкат териштирүүнү талап кылганын айткан. Элчи бул үчүн ыраазычылык билдирди. Мындан тышкары, аткаминерлер эки өлкөнүн парламенттеринин деңгээлинде боло турган иш-чараларды талкуулашкан.
Муратбек Азымбакиев башка ишке өткөндүгүнө байланыштуу ээлеген кызматынан бошотулду. Тиешелүү жарлыкка өлкө башчы Садыр Жапаров кол койгонун маалымат кызматынан билдиришти. Президенттин дагы бир жарлыгы менен бул кызматка Сагынбек Абдумуталип дайындалды. Ал 2022-жылдан бери Тажикстандагы элчинин кеңешчиси болуп келген. Дипломат 41 жашта. 2005-жылы Ишеналы Арабаев атындагы Кыргыз мамлекеттик университетинин аймак таануу бөлүмүн бүтүргөн. Кыргыз, орус, англис, түрк, фарс жана кытай тилдеринде сүйлөйт. Дипломатиялык рангы — 2-класстагы кеңешчи.
Кыргызстанда селди алдын алуу үчүн RESILAND CA+ долбоору ишке кирерин ӨКМ билдирди. Соңку 12 жылда республикада сел жүргөн 900дөй учур катталган. Долбоордо селдин жүрүшүнө көзөмөл жүргүзүү, алардан сактануунун заманбап ыкмаларын киргизүү, токойлорду жана кунары кеткен жерлерди калыбына келтирүү, сел айлананы каптабай каналдар аркылуу агып кеткидей шарттарды түзүү каралган. Программа аркылуу 17 миң адам өзүн коопсуз сезип, аймактарда миңдей жумуш орду түзүлүшү керек. ӨКМ башчысы Бообек Ажикеев апаат менен күрөшкөндөн көрө аны алдын алуу маанилүү экенин белгилеген. Долбоор үчүн Эл аралык өнүктүрүү бирикмесинен 45 миллион доллар насыя, PROGREEN компаниясынан 5 миллион доллар грант, Корея өнөктөштүк фондунан жана Дүйнөлүк банктан 2,4 миллион доллар грант алынган.
Украинаны Россия менен каршылаштырууга жеткирген Американын ошол кездеги президенти Жо Байден менен Киев туура эмес кылган. Бул тууралуу АКШ президенти Дональд Трамп Ак үйдө журналисттердин суроолоруна жооп берип жатып айтканын РИА Новости жазды. "Россия чоң өлкө, аскердик мүмкүнчүлүктөрү да кыйла жогору. Акылың жетик болсо согушпайсың, ага катышууңа жол бербейсиң. Ошол кезде президенттикти ээлеп турган Байденди күнөөлөсө болот. Эмне болуп жатканынан кабары жок болду", — деген өлкөнүн азыркы жетекчиси. Трамп өзү президент болуп турса жаңжал чыкмак эместигин белгилеген.
Россиядагы элчи Кубанычбек Бөкөнтаев Жогорку Кеңеш менен Россиянын Федералдык жыйынынын ортосундагы кызматташуу боюнча парламенттер аралык комиссиянын тең төрагасы, Мамдума депутаты Дмитрий Кобылкин менен жолукту. Дипломатилык өкүлчүлүктүн маалыматы боюнча, элчи Москва шаарындагы "Бодрость" мончосунда болгон окуяга байланыштуу тынчсыздануусун билдирип, Россия тараптан маселени объективдүү жана акыйкат кароону суранды. Кобылкин россиялык башка депутаттар дагы мигранттарга калыс мамиле кылып, фактыны акыйкат териштирүүнү талап кылганын айткан. Элчи бул үчүн ыраазычылык билдирди. Мындан тышкары, аткаминерлер эки өлкөнүн парламенттеринин деңгээлинде боло турган иш-чараларды талкуулашкан.Муратбек Азымбакиев башка ишке өткөндүгүнө байланыштуу ээлеген кызматынан бошотулду. Тиешелүү жарлыкка өлкө башчы Садыр Жапаров кол койгонун маалымат кызматынан билдиришти. Президенттин дагы бир жарлыгы менен бул кызматка Сагынбек Абдумуталип дайындалды. Ал 2022-жылдан бери Тажикстандагы элчинин кеңешчиси болуп келген. Дипломат 41 жашта. 2005-жылы Ишеналы Арабаев атындагы Кыргыз мамлекеттик университетинин аймак таануу бөлүмүн бүтүргөн. Кыргыз, орус, англис, түрк, фарс жана кытай тилдеринде сүйлөйт. Дипломатиялык рангы — 2-класстагы кеңешчи.Кыргызстанда селди алдын алуу үчүн RESILAND CA+ долбоору ишке кирерин ӨКМ билдирди. Соңку 12 жылда республикада сел жүргөн 900дөй учур катталган. Долбоордо селдин жүрүшүнө көзөмөл жүргүзүү, алардан сактануунун заманбап ыкмаларын киргизүү, токойлорду жана кунары кеткен жерлерди калыбына келтирүү, сел айлананы каптабай каналдар аркылуу агып кеткидей шарттарды түзүү каралган. Программа аркылуу 17 миң адам өзүн коопсуз сезип, аймактарда миңдей жумуш орду түзүлүшү керек. ӨКМ башчысы Бообек Ажикеев апаат менен күрөшкөндөн көрө аны алдын алуу маанилүү экенин белгилеген. Долбоор үчүн Эл аралык өнүктүрүү бирикмесинен 45 миллион доллар насыя, PROGREEN компаниясынан 5 миллион доллар грант, Корея өнөктөштүк фондунан жана Дүйнөлүк банктан 2,4 миллион доллар грант алынган.Украинаны Россия менен каршылаштырууга жеткирген Американын ошол кездеги президенти Жо Байден менен Киев туура эмес кылган. Бул тууралуу АКШ президенти Дональд Трамп Ак үйдө журналисттердин суроолоруна жооп берип жатып айтканын РИА Новости жазды. "Россия чоң өлкө, аскердик мүмкүнчүлүктөрү да кыйла жогору. Акылың жетик болсо согушпайсың, ага катышууңа жол бербейсиң. Ошол кезде президенттикти ээлеп турган Байденди күнөөлөсө болот. Эмне болуп жатканынан кабары жок болду", — деген өлкөнүн азыркы жетекчиси. Трамп өзү президент болуп турса жаңжал чыкмак эместигин белгилеген.
Sputnik Кыргызстан
media@sputniknews.com
+74956456601
MIA „Rossiya Segodnya“
2025
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
аудио
Россиядагы элчи Кубанычбек Бөкөнтаев Жогорку Кеңеш менен Россиянын Федералдык жыйынынын ортосундагы кызматташуу боюнча парламенттер аралык комиссиянын тең төрагасы, Мамдума депутаты Дмитрий Кобылкин менен жолукту. Дипломатилык өкүлчүлүктүн маалыматы боюнча, элчи Москва шаарындагы "Бодрость" мончосунда болгон окуяга байланыштуу тынчсыздануусун билдирип, Россия тараптан маселени объективдүү жана акыйкат кароону суранды. Кобылкин россиялык башка депутаттар дагы мигранттарга калыс мамиле кылып, фактыны акыйкат териштирүүнү талап кылганын айткан. Элчи бул үчүн ыраазычылык билдирди. Мындан тышкары, аткаминерлер эки өлкөнүн парламенттеринин деңгээлинде боло турган иш-чараларды талкуулашкан.
Муратбек Азымбакиев башка ишке өткөндүгүнө байланыштуу ээлеген кызматынан бошотулду. Тиешелүү жарлыкка өлкө башчы Садыр Жапаров кол койгонун маалымат кызматынан билдиришти. Президенттин дагы бир жарлыгы менен бул кызматка Сагынбек Абдумуталип дайындалды. Ал 2022-жылдан бери Тажикстандагы элчинин кеңешчиси болуп келген. Дипломат 41 жашта. 2005-жылы Ишеналы Арабаев атындагы Кыргыз мамлекеттик университетинин аймак таануу бөлүмүн бүтүргөн. Кыргыз, орус, англис, түрк, фарс жана кытай тилдеринде сүйлөйт. Дипломатиялык рангы — 2-класстагы кеңешчи.
Кыргызстанда селди алдын алуу үчүн RESILAND CA+ долбоору ишке кирерин ӨКМ билдирди. Соңку 12 жылда республикада сел жүргөн 900дөй учур катталган. Долбоордо селдин жүрүшүнө көзөмөл жүргүзүү, алардан сактануунун заманбап ыкмаларын киргизүү, токойлорду жана кунары кеткен жерлерди калыбына келтирүү, сел айлананы каптабай каналдар аркылуу агып кеткидей шарттарды түзүү каралган. Программа аркылуу 17 миң адам өзүн коопсуз сезип, аймактарда миңдей жумуш орду түзүлүшү керек. ӨКМ башчысы Бообек Ажикеев апаат менен күрөшкөндөн көрө аны алдын алуу маанилүү экенин белгилеген. Долбоор үчүн Эл аралык өнүктүрүү бирикмесинен 45 миллион доллар насыя, PROGREEN компаниясынан 5 миллион доллар грант, Корея өнөктөштүк фондунан жана Дүйнөлүк банктан 2,4 миллион доллар грант алынган.
Украинаны Россия менен каршылаштырууга жеткирген Американын ошол кездеги президенти Жо Байден менен Киев туура эмес кылган. Бул тууралуу АКШ президенти Дональд Трамп Ак үйдө журналисттердин суроолоруна жооп берип жатып айтканын РИА Новости жазды. "Россия чоң өлкө, аскердик мүмкүнчүлүктөрү да кыйла жогору. Акылың жетик болсо согушпайсың, ага катышууңа жол бербейсиң. Ошол кезде президенттикти ээлеп турган Байденди күнөөлөсө болот. Эмне болуп жатканынан кабары жок болду", — деген өлкөнүн азыркы жетекчиси. Трамп өзү президент болуп турса жаңжал чыкмак эместигин белгилеген.
