БИШКЕК, 1-мар. — Sputnik. Кыргызстандын футзал боюнча курама командасы 2016-жылдын 29-февралындагы чыккан дүйнөлүк рейтингте 41-орунга татыктуу болгонун futsalworldranking.be сайты кабарлайт.
Эске сала кетсек 28-январда чыккан рейтингте Кыргызстан 45-баскычта турган.
Кыргызстандык оюнчулар Ташкентте өткөн футзал боюнча Азия чемпионатында алтынчы орунду алгандыгы үчүн татыктуу болду.
Азия өлкөлөрүнүн рейтингинде Кыргызстан жетинчи баскычта турат.
futsalworldranking.be сайты кабарлагандай Кыргызстанда 1063 упай бар.
Өлкөнүн футзал боюнча курама командасы Австралиянын оюнчуларына жеңилип, дүйнө биринчилигине баруу мүмкүнчүлүгүн колдон учурган.
