БИШКЕК, 25-фев. — Sputnik. Москва шаарында Кыргыз илим жана маданият үйүн жана Бишкек шаарында Россия илим жана маданият борборун уюштуруу жана алардын иштөө шарттары жөнүндө эки өлкөнүн ортосундагы макулдашуу ратификацияланганын өлкө башчынын маалымат кызматы билдирди.
Тийиштүү буйрукка президент Алмазбек Атамбаев бүгүн кол койду.
Аталган макулдашууга 2011-жылдын 28-мартында Москва шаарында кол коюулуп, мыйзам Жогорку Кеңеш тарабынан 2016-жылдын 20-январында жактырылган.
Мыйзам расмий жарыяланган күндөн тарта күчүнө кирет.
