БИШКЕК, 8-фев. — Sputnik. Америкалык доллардын баасы бир сутка ичинде үч сомго жогорулап кетти — акча алмаштыруучу жайлар аны 72,5 сомдон сатып алып, 73,8 сомдон сатып жатышат.
4 Бирдин айы 2016, 15:41
Эки айдан бери доллар 76 сомдун чегинде туруп, акыркы күндөрү наркы арзандай баштаган. Кечээ анын баасы 70 сомго чейин түшүп кеткен. Жекшемби күнү түшкө чейин доллар 71 сомдон сатылып, бирок күндүн экинчи жарымында анын баасы 71,5 сомдон 73 сомго чейинки чекти түздү.
Эксперттер доллардын куну 70 сомго чейин түшөрүн божомолдошкон. Буга сомдун аздыгы менен дүйнөлүк валютанын бекемделишинин себеп экенин айтышып, Кытай менен чек аранын жабылышы жана ипотека насыяларынын конвертациясы менен байланыштырышкан.
2016-жылдын башында Улуттук банк күнүгө валюта рыногуна чыгып, жалпы жонунан 64 миллион 350 миң доллар саткан. Февраль айында инвертация жүргүзүлө элек.
Былтыр аталган мекеме 40 ирет базарга чыгып, анын 35 жолкусунда улуттук валютаны турукташтыруу үчүн доллар саткан.
