БИШКЕК, 27-янв. — Sputnik. Өкмөттүн аппаратына бекитилген кызматтык унаанын саны 50 пайызга кыскарганын өкмөттүн маалымат кызматы билдирди.
Маалыматка ылайык, буга чейин аппарат карамагында 22 кызматтык унаа болсо, учурда 11и калды. Анын сегизи кезметтик болсо, эки унаа фельдъегердик кызматка пайдаланылат. Ал эми дагы бир машина аймактарга командировкага чыгуу үчүн каралган.
Мында премьер-министрдин кеңешчиси менен жардамчысына, аппараттын бөлүм башчыларына бекитилген унаалар кыскартылды.
Учурда мамлекеттик органдардын унаа паркын оптимизациялоо боюнча комиссия өз ишин улантып жатканы белгиленүүдө.
