БИШКЕК, 26-янв. — Sputnik. Борбор калаада бразилиялык жоокер өнөрү болгон джиу-джитсу боюнча мелдеш өтө турганын Мамлекеттик жаштар иши, дене тарбия жана спорт агенттиги билдирди.
Мелдеш 31-январь күнү "Динамо" спорт комплексинде болот. Ага өлкөнүн булуң-бурчунан 18 жаштан жогорку спортчулар катыша алат. Жоокерлер 62, 69, 85, 94 килограммга чейин жана 94 килограммдан жогорку салмактык категорияда күч сынашат.
Таймаштын жеңүүчүлөрү диплом, медаль менен сыйланып, мыктыларга спорт чебери наамы ыйгарылат.
Иш-чараны олимпиадалык эмес спорттун түрлөрү боюнча федерация каржылай турганы маалым болду.
