БИШКЕК, 21-янв. — Sputnik. Бишкекте белгилүү режиссер Төлөмүш Океевдин элесине арналган көргөзмө өтө турганын мэрия билдирди.
Маалыматка ылайык, иш-чара "Тарых жана маданият" жылына карата уюштурулууда. Көргөзмө 22-январь күнү саат 10.00дө Токтогул атындагы адабият музейинде өтүп, ага коомдук ишмерлер, режиссердун тууган-туушкандары жана кесиптештери чакырылган.
Залкар инсан, киносценарист, СССР Эл артисти Төлөмүш Океев 1935-жылы Тоң районунда жарыкка келип, 2001-жылы Түркиянын Анкара шаарында каза болгон.
