БИШКЕК, 15-янв. — Sputnik. Кыргызстан Казакстандын алдындагы газга болгон 2004-жылдан берки карызынан кутулганын "Новости — Казакстан" маалымат агенттиги билдирди.
Маалыматка ылайык, "Газпром Кыргызстандын" 2004-2014-жылдар аралыгындагы "КазТрансГаз" компаниясынын алдындагы бересеси 41,6 миллион долларга жеткен.
Казакстандын улуттук ишканасы карызды жабуу маселеси он жыл бою каралып келгенин, бул боюнча соттун чечимдери чыкканын, "Кыргызгаз" ишканасын "Газпром" компаниясы сатып алгандан кийин карыз толугу менен жоюлганын белгиледи.
