БИШКЕК, 1-дек. — Sputnik. Декабрь айында жаратылыш газга болгон баа 1,16 сомго кымбаттаганын "Газпром" ишканасы билдирди.
19 Жетинин айы 2015, 13:08
Маалыматка ылайык, кыштын алгачкы айында газдын 1 метр кубу калк үчүн 16,93 сомго бааланса, өнөр жай ишканалары, коммерциялык структуралар жана бюджеттик уюмдар 20,49 сомдон сатып алышат. Баа салыктардын эсеби менен бекитилген.
"Газпром" компаниясынын билдирүүсү боюнча, көгүлтүр отундун баасы Улуттук банк ар бир айдын башында бекиткен АКШ долларынын расмий курсуна карата аныкталат.
Газдын калк үчүн 1,16 сомго, ал эми өнөр жай ишканалары үчүн 1,30 сомго кымбатташы декабрдын башына карата доллардын расмий курсу 75,86 сом деп бааланганынан улам келип чыккан. Ал эми 1-ноябрда АКШ долларынын куну 69,69 сомду түзгөн.
