БИШКЕК, 4-янв. — Sputnik. Энелер кайсы куракта ымыркайынан ажырап калышы мүмкүндүгүн Улуттук стистика комитети менен ЮНИСЕФ иликтеп чыкты.
Иликтөөлөргө караганда, 35 жаштан өткөн энелердин балдары бир жашка чыкпай чарчап калган учурлар аз кездешет. Ал эми жыйырмадагы куракка чейинкилерде мындай кооптуулук арбын экен.
7 Тогуздун айы 2015, 08:40
Статистикалык маалыматтар бөбөктөр Ысык-Көл аймагында азыраак, ал эми эң көп Бишкек шаарында каза болот деп билдирди.
Иликтөөдө элет жеринде төрөлгөн ымыркайдын бир жашка чейинки жашоосу кооптуу болуп турат деген маалыматтар айтылган. Жогорку билимдүү аялдардын балдары орто билимдүүлөргө караганда эки эсе азыраак чарчайт экен.
Статистика баланын өлүмү үй-бүлөнүн материалдык абалына да жараша болорун көрсөткөн.
