БИШКЕК, 14-дек. — Sputnik. Бишкек шаарында бүгүн кар жаабайт, күн ачык болуп, жолдор тоңголок, тайгак болот. Бул тууралуу Кыргызгидромет билдирди.
Маалыматка ылайык, күндүз аба ырайы +2 градуска чейин жылыйт.
Андан сырткары Бишкек – Ош авто кан жолунун 121-138, 198-265-чакырымдарында жана Каракол – Эңилчек авто жолунун 45-90-чакырымдарында кар көчкү түшүп, күрткү болушу ыктымал.
ӨКМдин унаалардын ортосундагы 500 метр аралык кыймылды сактоо зарылдыгын эскертет.
Жалпы республика боюнча да бүгүн кар жаабайт. Жолдор тоңголок, тайгак болуп, батыштан соккон шамал секундуна 2-7 метрге жетет.
