БИШКЕК, 7-дек. — Sputnik. Мамлекеттик каттоо кызматынын өкүлдөрү калкты электрондук форматта тейлөөнүн сапатын жакшыртуу максатында Корея республикасына жөнөп кеткенин аталган мекеме билдирди.
Маалыматка ылайык, кыргыз делегациясы Түштүк Кореядагы жаңы электрондук паспортторду ишке киргизүүнүн ыкмаларын үйрөнүп, Калкты тейлөө борборлорун иштетүү менен мамлекеттик кызмат көрсөтүүнүн системасы менен таанышат. Андан тышкары, паспорттук система жана аны пайдалануу менен калкты тейлөөнүн ыкмаларын көрөт.
Иш-чаранын катышуучулары электрондук өкмөт жана мекемелер аралык иштин системасы, маалыматтык коопсуздук боюнча окуудан өтүшөт.
Иш сапар 11-декабрга чейин уланат.
