БИШКЕК, 29-ноя. — Sputnik. №2 түзөтүү колониясында жаза өтөп жаткандар өз күчү менен СПИДге каршы күрөшүүнүн эл аралык күнүнө карата тематикалык иш-чараларды уюштурганын ЖАМК билдирди.
Аялдардын түрмөсүндө мындай концерт жана сахналаштырылган оюндар сыяктуу иш-чаралар жыл сайын өткөрүлүп келет. Анын башкы максаты — СПИД дартынын алдын алуу.
Иш-чаранын алкагында адистер колониядагыларга оорудан сактануу жолдорун, жана илдетке чалдыккандарга ишеним жоготпоо боюнча маек куруп беришет.
Колониянын жетекчилиги концерттин катышуучуларына ыраазычылык билдирди. Мындай сыйлыктар алардын жаза мөөнөтү жана убактысынан эрте бошотуу маселеси көтөрүлгөндө эске алынары белгиленди.
КРдеги ВИЧ инфекциясы боюнча абалды Sputnik даярдаган инфографикадан көрсө болот >>
