БИШКЕК, 27-ноя. — Sputnik. Ош шаарынын мектеп окуучуларына СПИД илдетине каршы күрөш жана оорунун алдын алуу боюнча түшүндүрүү иштери жүрүп жатканын Билим берүү жана илим министрлиги билдирди.
Маалыматка ылайык, учурда түштүк борбордо СПИДге каршы күрөштүн дүйнөлүк күнүнө карата ар кыл иш-чаралар өтүүдө. 20-ноябрда башталган акцияда мектептерде ачык сабактар, тегерек столдор өтүп, медициналык кызматкерлердин катышуусу менен түшүндүрүү иштери жүрүүдө.
Иш-чарада окуучулар аталган тематика боюнча эссе, дубал газета даярдап, мыктылары баалуу байге менен сыйланат.
Мындай акция жыл сайын Ош шаарынын СПИД борборунун медициналык жамааты менен бирге өткөрүлүп келет.
КРдеги ВИЧ инфекциясы боюнча абалды Sputnik даярдаган инфографикадан көрсө болот >>
Ситуация по распространению ВИЧ-инфекции в КР (кырг)
