БИШКЕК, 25-ноя. — Sputnik. Жумгалда аң уулоого чыгып дайынсыз кеткен жергиликтүү тургунду издөө иштери улантылып жатканын ӨКМ билдирди.
23 Жетинин айы 2015, 12:46
Маалыматка ылайык, Миң-Куш айылынын алты тургуну үстүбүздөгү жылдын 20-ноябрында "Миң-Бугу" тилкесине мергенчиликке чыгып, кайтып келе жатканда өзүнчө кетебиз деп бөлүнүп кеткен эки жаран дайынсыз жоголуп кеткен.
Төрт күндөн кийин күндүзгү саат 15.00дө жоголуп кеткен эки кишинин бирөөсүнүн жансыз денеси жергиликтүү 16 жашоочунун жардамы менен кар көчкүнүн этегинен өйдө карай 20 метр аралыктан табылган. Анын сөөгүн бир тууган агасына өткөрүп беришкен.
Экинчи жаран ушу күнгө чейин изделүүдө. Аны учурда Жумгал райондук өрт-куткаруу бөлүмүнүн 11 жана ӨКМнин райондук бөлүмүнүн эки кызматкерлери жүргүзүүдө.
