БИШКЕК, 20-ноя. — Sputnik. 19-ноябрдан тартып кыргыз-казак чек арасындагы "Ак-Тилек", "Кең-Булуң", "Токмок", "Каркыра" көзөмөл өткөрүү пунктарында фитосанитардык көзөмөл алынганын Экономика жана өнөр жай министрлигинин маалымат кызматы билдирди.
Белгилей кетсек, өкмөт башчы Темир Сариев 20-ноябрдан тарта чек аралардагы санитардык жана фитосанитардык көзөмөл толугу менен алына турганын билдирген эле.
Эми ЕАЭБ аймагындагы өлкөлөргө айыл чарба продукциясын ээн-эркин ташууга жол ачылат.
Кыргызстан Евразиялык экономикалык биримдикке киргенден кийин ЕАЭБге мүчө мамлекеттер менен болгон чек арасындагы бажы посттору алынган.
