БИШКЕК, 16-ноя. — Sputnik. Режиссер Эрнест Абдыжапаровдун мастер-классынын бүтүрүүчүлөрүнүн VIII кинофестивалы 28-29-ноябрда өтөт. Киножарыш жыл сайын атактуу режиссердун шакирттеринин арасында жүрөт.
Кинофестивалдын калыстар тобу кыргызстандык режиссерлордон, киносынчылардан, кино жатындагы ишмерлерден турат.
Белгилүү режиссердун шакирттери, жаш киночулар бул сынакта 10 номинацияда ат салышат.
Адатта мастер-класстын угуучулары жети күн окуп-үйрөнүп, базалык билим алып, алты ай ичинде өз алдынча тасма тартат. Бул алты ай ичинде иш процессинде улам кеп-кеңеш алып турушат.
