БИШКЕК, 5-ноя. — Sputnik. Ош шаарынын мэри Айтмамат Кадырбаев грепплинг боюнча дүйнө чемпиондугунда күмүш медаль ээси болгон Төрөкан Багынбай уулуна 50 миң сом, дзюдо боюнча Азия чемпиондугунда алтын медаль алган Сагынбай уулу Баяманга 100 миң сом өлчөмдөгү акчалай сыйлыктарды тапшырды.
Шаар мэри жаш спортчуларды жеңиши менен куттуктап мындан аркы да ийгиликтерди каалады.
"Мамлекетибизди башка өлкөлөргө таанытууда спортчулардын эмгеги чоң. Сиздер менен сыймыктанабыз жана ар тараптан колдоого даярбыз", — деди Кадырбаев.
Буга чейин түштүк борбор грепплинг чемпиондугунан олжо менен келген спортчусун чоң салтанат менен тосуп алган.
