БИШКЕК, 3-ноя. — Sputnik. Кыргызстандын борборунда карате-до боюнча Кыргызстандын Кубогу үчүн ачык мелдеш өтө турганын Мамлекеттик дене тарбия жана спорт агенттиги билдирди.
Маалыматка ылайык, сынак 11-13-декабрь күндөрү Каба уулу Кожомкул атындагы спорт сарайында өтөт. Иш-чараны спорттун олимпиадалык эмес түрү боюнча дирекция "Сетокан" улуттук федерациясы менен биргеликте уюштурууда. Мелдеш Эл аралык SKIF федерациясынын шарт-талаптарына ылайык өтөт.
Чемпионатка 6 жаштан 17 жашка чейин жаш каратисттер жана 18 жаштан 34 жашка чейинки спортчулар катышууга укуктуу.
