БИШКЕК, 2-ноя. — Sputnik. Кыргызстандын грек-рим күрөшү боюнча курама командасы өспүрүмдөр арасында өткөн Martyrs Cup эл аралык турниринде биринчи орунга ээ болгонун Күрөш түрү боюнча олипиадалык резервдин балдар жана өспүрүмдөр республикалык мектеби билдирди.
Маалыматка ылайык, Ирандын борбору Тегеранда өткөн турнирге Кыргызстан, Иран, Ирак, Грузия, Украина тогуз команда катышкан. Кыргызстандык команданын курамында жети спортсмен ат салышканы белгилүү болду. Улуттук команда Иран жана Ирактын балбандарын көтөрүп чаап, тайпада үч жолу жеңишке жетишкен.
Жарым финалда кыргызстандыктар ирандыктарды, ал эми акыркы беттешүүдө грузиялык балбандарды утуп алышты.
