БИШКЕК, 2-ноя. — Sputnik. Ички иштер министрлигинин кызматкерлери тарабынан өткөрүлүп жаткан "Арсенал" рейдинин жүрүшүндө курал-жаракты мыйзамсыз сактаган бир нече жарандар аныкталганын аталган мекеме билдирди.
Маалыматка ылайык, Бишкектин 20 жаштагы тургунунан белги берүүчү МР-371 тапанча табылса, Ош облусунун жашоочусунан да курал аныкталган. Мындан тышкары, Оштун Ноокат районунун жана Ысык-Көл облусунун 36 жаштагы жашоочулары 16 калибрлүү ИЖ-18 мылтыктары мыйзамсыз сактап келгени маалым болду.
Аталган фактылардын бардыгы боюнча иликтөө-тактоо иштери жүрүп жатат.
Мыйзамсыз сакталган курал-жарак жана ок-дарыларды аныктоо максатында республика боюнча өткөн "Арсенал" рейди 27-октябрда башталып 30-октябрга чейин уланган.
