БИШКЕК, 29-окт. — Sputnik. Бүгүн эртең менен саат 6:56да Кыргызстандын аймагында күчү үч балл болгон жердин силкинүүсү катталды. Бул тууралуу Улуттук илимдер академиясынын сеймология институту билдирди.
Маалыматка ылайык, жер титирөөнүн очогу Кыргызстан менен Өзбекстандын чек арасында болгон. Өзбекстандын Шахмардан айылынан түштүк-батышты карай 10 чакырым жана Кыргызстандын Кара-Шоро айылынан түштүк-чыгышты карай 10 чакырым алыстыкта орун алган.
Баткен облусунун Кадамжай районундагы Кара-Чоро айылында жердин силкинүүсү 2,5 баллды түзгөн.
Алдын ала маалыматтар боюнча жабыр тарткандар жок.
Белгилей кетсек, 26-октябрда Афганистанда жер титиреп, анын таасири Кыргызстанга да жетип, Ош облусунда төрт балл, Бишкек шаарында жана Нарын облусунда үч баллга жеткен.
Эмне үчүн жер титирөөлөр болорун Sputnik инфографикасында көрүңүздөр>>
