БИШКЕК, 28-окт. — Sputnik. Жыл башынан бери тогуз жаран ата-энелик укуктан ажыратылганын мэрия билдирди.
Маалыматка ылайык, мекеменин социалдык өнүктүрүү бөлүмү балдар укугун коргоо боюнча 459 сот ишине катышкан. Мында 29 наристени башка адамдар багып алса, 17 бала камкордукка алынган. Соттун чечими менен 25 бала интернатка жөнөтүлдү.
Мындан тышкары, 10 бала учетто турганы белгилүү болду. Мунун негизинде бул балдарга карата индивидуалдуу пландар иштелип чыккан — бир өспүрүм кечки мектептен билим алса, дагы бирөө №18 кесиптик-техникалык лицейге киргизилди. Дагы 10 балага гуманитардык жардам көрсөтүлдү.
