БИШКЕК, 21-окт. — Sputnik. №50 түрмөдөн качып чыккандардын ичинен кармала элек эки кишини издөө бүгүн да Сокулук районунун, анын ичинен Камышановка аймагында улантылууда. Бул туурасында ИИМдин маалымат кызматынан Sputnik маалымат агенттигине билдирди.
Кечээ, 20-октябрда качкандардын дагы бири Азамат Мусуралиев Сокулуктун Арал айылындагы мал сарайлардын биринен жок кылынган.
Атайы операция учурунда качкындары бешөө кармалып, төртөө из суутуп кетүүгө үлгүргөн. 16-октябрда издөө иш-аракеттеринен улам, Бишкектин чет-жакасындагы "Дордой-1" жаңы конушунан кылмышкерлердин бири Данияр Кадыралиев жок кылынган.
Укук коргоо органдары түрмөдөн качкандардын жашынган жери жөнүндө маалымат бергендерге бир миллион сом сыйлык бериле турганын билдирген. Ошондой эле, 0(312) 26-60-27, 0(312) 66-23-31, 26-60-66, (555) 32-00-22, 0(555) 32-00-22, 0 (702) 90-50-39, 0 (555) 70-95-78, 0(558) 20-21-02 номерлерине кабарлар коюну өтүнөт.