БИШКЕК, 12-окт. — Sputnik. ИИМдин кинология борборунун аймагында балдар үчүн кызматтык иттерди көрсөтүү иш-чарасы башка күнгө жылдырылганын аталган министрлик билдирет.
Маалыматка ылайык, өзгөрүүлөр түрмөдөн кылмышкерлердин качканына байланыштуу болууда. 12-октябрга караган түнү тогуз кылмышкер түрмөдөн качып, ЖАМКтын үч кызматкерин өлтүргөн. Учурда анын бешөө кармалып, төртөөнү издөө иштерине бардык күч түзүмдөрү тартылган.
Жолугушуу учурунда милиция кызматкерлери окуучуларга кинология кызматы, иттердин кылмыш бетин ачууга көрсөткөн жардамы, буйруктарды аткарышы, алардын даярдыктан өткөрүү, баңги жана жардыруучу заттарды табуудагы иттердин мүмкүнчүлүгү жана кылмышкерлери кармоодогу алардын орду тууралуу айтып берүүсү каралган.
