БИШКЕК, 10-окт. — Sputnik. Бишкекте ИИМдин кинология борборунун аймагында балдар үчүн кызматчы иттердин өнөрү тартуулана турганын аталган министрлик билдирди.
Иш-чарага шаардын №9 мектебинин окуучулары чакырылган, алар үчүн атайы кеңири экскурсия болот. Жалпы жонунан кызматчы иттерди көрүүгө 100 баланын келиши күтүлүп жатат.
Жолугушуу учурунда милиция кызматкерлери окуучуларга кинология кызматы, иттердин кылмыш бетин ачууга көрсөткөн жардамы, буйруктарды аткарышы, алардын даярдыктан өткөрүү, баңги жана жардыруучу заттарды табуудагы иттердин мүмкүнчүлүгү жана кылмышкерлери кармоодогу алардын орду тууралуу айтып беришет.
Иш-чара дүйшөмбү күнү, 12-октябрда болот.
