БИШКЕК, 6-окт. — Sputnik. Бишкек мэриясы жакыр үй-бүлөлөрдү көмүр менен камсыздай баштаганын муниципалитет билдирди.
Маалыматка ылайык, шаардын төрт миң үй-бүлөсүнө бекер көмүр таратылып, ар бир 1,5 тонна отун менен камсыз болот.
"Ленин районунда 1131, Октябрь районунда 500 үй-бүлөгө көмүр берилет. Ал эми Биринчи Май районунун 1050, Свердлов районунун 1303 жакыр үй-бүлөсү бекер отун менен камсыз болушу күтүлүүдө", — деп айтылат билдирүүдө.
Учурда Октябрь районунун тургундары көмүр ала баштады. Калган үч райондун жашоочулары үчүн келген кара отун экспертизага жөнөтүлдү. Текшерүүнүн жыйынтыгы чыккандан кийин алар да таратыла баштайт.
