БИШКЕК, 11-сен. — Sputnik. Бейшемби күнү болжол менен түнкү саат 10.25те борбордук ТЭЦте өрт чыгып, 570 чарчы метр жерге жайылганын Sputnik агенттигине "Электр станциялары" ишканасы билдирди.
Компаниянын билдирүүсүндө өрткө Бишкек ТЭЦинде галереялардагы конвейер кабелдеринин чыңалуусу себеп болгон.
Өрт өчүрүүчүлөр тилсиз жоо менен эки саат бою алышкан. Компания кырсыктан жабыркагандар болбогонун белгилейт. Мындан тышкары, өрттөн ТЭЦтин эч бир жабдуусу иштен чыккан эмес.
Учурда кырсыктын чоо-жайы такталып жатат.
