БИШКЕК, 17-авг. — Sputnik. Бишкек шаарынын Ден-Сяопин көчөсү менен батышты көздөй бараткан унаа, жолдон өтүп бара жаткан адамды коюп, кырсык болгон жерден качып кеткенин Жол кайгуул кызматы билдирет.
Маалыматка ылайык, окуя үстүбүздөгү жылдын 16-августунда болжол менен түнкү саат 4.30да болгон. Кырсыкка кабылган азия улутундагы 50-55 жаштар чамасындагы адам ошол жерден каза тапкан.
Жол кайгуул кызматы окуяга күбө болгондорду тергөө иштери үчүн байланышып коюуну өтүнөт.
