БИШКЕК, 12-авг. — Sputnik. Республика боюнча бир сутканын ичинде бирдиктүү "112" номерине үч миңден чалуу болсо, анын ичинен 672си максатсыз болгон деп ӨКМдин маалымат кызматы билдирди.
Маалыматка ылайык, Бишкек шаары боюнча 400дөн ашык, Ош шаары боюнча 300гө жакын чалуу жөн эле болгон.
ӨКМдин кризистик кырдаалды башкаруу борбору максатсыз чалуулардын көп болушун сенсордук телефондордун эч көзөөмлсүз чалынышына жана жаш балдардын ойноп чалууларына байланыштуу болууда дейт.
Бирдиктүү "112" номерине ар кандай чукул кырдаалга кабылган учурда медицина кызматкерлерин, милицияны, өрт өчүрүүчүлөрдү зарылчылыкка жараша чалып чакырсаңыз болот.
