БИШКЕК, 4-авг. — Sputnik. Токтогул районунда дүйшөмбү күнү кечки саат 7.30дар чамасында Бишкек — Ош кан жолунун 271-чакырымында Toyota Corolla Verso үлгүсүндөгү унаанын айдоочусу рулду башкара албай "Чычкан" дарыясына кулап кеткен. Бул тууралуу Өзгөчө кырдаалдар министрлигинин маалымат кызматы билдирди.
Бактыга жараша, жол кырсыгынан каза болгондор жок, айдоочу жана жүргүнчүлөр жеңил жаракат алышкан.
Кырсык болгон жерге келген куткаруучулар автоунаадагы 4 адамды чыгарып, тез жардам кызматкерлерине өткөрүп беришкен.
