БИШКЕК, 31-июль — Sputnik. Америка Украинадагы окуяларга байланыштуу Россияга каршы кезектеги санкцияларды киргизип, эми дагы 11 адам жана 15 юридикалык тарап, анын ичинде "Ижмаш" жана "Калашников" концерндери тизмеге кошулду.
Ошондой эле сектордук санкцияларга мурдатан эле чек коюлаган "Роснефть" жана "Внешэкономбанк" менен байланышкан бир катар уюмдар менен компаниялар туш болду. Алардын ичинде "Роснефттин" туунду компаниялары жана "Внешэкономбанк" менен иштешүүчү Россиялык түз инвестициялар фонду, экспорттук насыяларды камсыздандыруучу "Эксар" агенттиги, Крымдын компаниялары бар.
АКШнын Каржы министрлиги менен Мамлекеттик департаменти Жаңы санкциялар мурдагыларын күчтөндүрүү үчүн киргизилген, ал эми аларды алып салуу жөнүндө Донбасста жөнгө салуулар боюнча Минск макулдашуулары аткарылгандан кийин гана кеп кылууга болот деп билдирди.
Америка бийлигинин бул чечими чыр-чатакты чечүү боюнча жаңы макулдашуулар жетишилип, тараптар чатакташкан аймактан 100 миллиметрге чейинки калибрдеги оор куралдарды алып кете турган учурда кабыл алынып жатат. Макулдашуу боюнча келишимге 3-августта кол коюлушу мүмкүн.
