БИШКЕК, 27-июль — Sputnik. Дүйшөмбүдө үйлөнүү тою учурундагы мушташта Афганистандын түндүгүндө 20 чакты адам каза болуп, дагы ону жабыр тарткан деп билдирет Синьхуа агенттиги жергиликтүү полицияга таянуу менен.
Тартип сакчыларынын маалыматына караганда, кырсык Афганистандын Баглан түндүк провинциясындагы Дехсалах кыштагында, өлкөнүн борборунан 160 чакырым аралыкта болгон.
"Дехсалах кыштагында үйлөнүү тою болуп жаткан, түн ортосунда ал үйдө ок атышуу башталып, натыйжада, 20 адам каза таап, 10 жарадар болгон", — деп айтылат жергиликтүү полиция башчысы Гулистан Кхандын билдирүүсүндө.
Кырсыкта курман болгондор — аскер кызматына тиешеси жок адамдар.
Кхандын айтымында, азыр полиция окуянын себептерин териштирүүдө.
