БИШКЕК, 21-июль — Sputnik. Тамекинин айынан Бишкек шаарында бир суткада төрт өрт чыгып, бир гектардан ашык жер күйүп кеткенин ӨКМдин маалымат кызматы билдирди.
Тамекинин калдыгын туура эмес таштоодон 8-кичи райондундагы №64 мектептин жанында 300 чарчы метр, Чүй проспекти менен Лермантов көчөлөрүнүн кесилишинде 50 чарчы метр жана Масалиев — Токтоналиев көчөлөрүндө 700 чарчы метр куураган чөп өрттөнгөн.
Ал эми Чуйков көчөсүндө жашаган тургундун 70 чарчы метр жыгач устундуу шифер жабылган сарайынын чатыры да тамекинин айынан күйгөн.
Өзгөчө кырдаалдар министрлигинин маалыматына ылайык, өлкө аймагында бир суткада 29 өрт кырсыгы катталган.
