Юруслан Тойчубеков жашаган жеринен качып кеткендиктен жана азыркы кезге чейин кайда экени белгисиз болгондуктан сыртынан баш коргоо чарасы камакка алынсын деп тандалып, издөө жарыяланды. Ал "Коррупция" жана "Кызмат абалынан кыянаттык менен пайдалануу" беренелери боюнча айыпталууда.
Утемисовдун билдирүүсүндө, Кыргызстанда "Элдик лотереяны" өткөргөн "Райдер Эссошиэйтед Лимитед" компаниясынын филиалы өлкө казынасына лотерея жөнүндө мыйзамга ылайык кирешенин 10 пайызын төлөгөн эмес. Натыйжада бюджет 31 миллион сомдон куру калган.
Айыпткерлердин күнөөлөрү толугу менен далилденгенин Утемисов баса белгиледи.
