БИШКЕК, 18-июнь — Sputnik. Парламенттин жыйынында "Ата-Журт" саясий партиясынын тизмеси боюнча депутат болуп келген Алмасбек Абытов ант берди.
Төрага Асылбек Жээнбеков жалпы депутаттардын атынан Абытовду кыргыз парламентинин депутаты болушу менен куттуктап, анын ишинде ийгилик каалады.
Абытов Жогорку соттун Конституциялык палатасынын соту болуп дайындалган Курмантай Абдиевдин ордуна келди. Ал буга чейин Жогорку Кеӊештин Бюджет жана каржы боюнча комитетинин бөлүм башчысы болуп иштеген.
17-июнда БШКда Абытовго депутаттык төш белги менен көбөлүк тапшырылган.
