БИШКЕК, 9-янв — Sputnik. Адамдардын жана жаныбарлардын жалпы илдеттеринен калкты коргоого багытталган "Ветеринария жөнүндө" мыйзамга өлкө башчы Алмазбек Атамбаев кол койду.
Мыйзам Жогорку Кеңеш тарабынан 2014-жылдын 27-ноябрында кабыл алынган.
Мыйзам ветеринария жаатындагы укуктук, социалдык, уюштуруучулук, каржы-экономикалык негиздерди аныктайт. Ошондой эле, адамдардын жана жаныбарлардын жалпы илдеттеринен калкты коргоого, Кыргызстандын аймагында эпизоотиялык абалды жана ветеринардык-санитардык коопсуздукту камсыз кылууга багытталган.
Мыйзам расмий жарыяланган күндөн тартып күчүнө кирет.
